Delayed

simpur kuning





Penerbangan kami delayed...., apalah... Etihad flight ani. Mentang-mentang first time ku naik flight ani bemasalah tia . Becampur-campur jua bahasa ku ani, pencemaran bahasa! Mana jua anak-anak di belakang ani bising....anak sapa lah ni ? .... bising........ beri paning. Mana tia indung dorang ani?

Bukan tah lagi lama delayed nya ani, sampai 18 jam ! Pakaian semua dalam cargo...kan tah lagi kusut rasanya. Ganya baik jua lounge ani banyak kosong sofanya (asal awal masuk), dapat jua berehat dan baring. Baik jua dalam beg di tangan ani ada stokin tebal, berus gigi dan ubatnya serta keperluan wanita yang lain, dapat jua ........... nyaman jua rasanya solat.

Maski tah jua cukup makan minum dalam lounge ani, tapi kalau nada bawa barang-barang keperluan yang kecil atu payah jua kali, terutama bini-bini. Tambah-tambah tah lagi orang yang beranak damit atu. Wow....... rupa nya semua flight Etihad untuk hari ani ada masalah..... dan semua penumpang terpaksa berehat di lounge yang disediakan menunggu flight berikut dan berikutnya. Puas kena marahi dan cakapi petugas di bahagian bording ani, tapi ku liat dorang ani tenang saja menjawab maki-hamun penumpang yang terpaksa delayed berjam-jam di airport Abu Dhabi ani.